Kush eshte Shqipdona

Shqipdona Ademaj fillon punën vullnetare që në kohën e shkollës së mesme, duke angazhuar veten në Rotary International Kosova - Rotaract për një periudhë prej 5 vitesh radhazi.


Në vitin 2012, ajo u punësua në Perspektivën e Bashkimit Evropian si udhëheqëse e ekipit në projektin "Të Rinjtë e Kosovës", ku ky rrugëtim i punës përfundoi me realizimin e një dokumentari të veçantë.


Shqipdona nisi karrierën e saj në gazetari duke shkruar artikuj për gazetën online "Ripost". Më pas, ajo vazhdoi jetën e saj të gazetarisë në "Periskop", ku ishte redaktore video dhe gazetare. Paralelisht me punën e saj në "Ripost", Shqipdona shkruante artikuj dhe realizonte dokumentarë të shkurtër për revistën amerikane "Global Girl Media".

Rruga e saj në botën e filmit nuk përfundoi aty; ajo së bashku me boshnjakun Aid Bosic realizoi dokumentarin "A Fist of Memories", një dokumentar që u prezantua në shumë festivale filmike ndërkombëtare, duke përfshirë "Sarajevo Film Festival" dhe "Festivalin e të Rinjve në Zvicër".


Gjat viteve 2015-2016 Shqipdona ishte pjese e jurise se filimit ne shtet si Maqedonia e Bosnia dhe Hercegovina.

Pas punës në "Periskop", Shqipdona filloi rrugëtimin e saj në shkëmbimin e kriptovalutave dhe shitjet online, duke hyrë në botën e e-commerce.

Me të ardhurat e fituara nga shitjet online dhe kriptovalutat, Shqipdona hapi biznesin e saj të parë në Kosovë, Prishtina   "Konak Guest House".

Një shtëpi e mikpritjes per turiste në Kosovë ku u investuan mbi 60 mijë euro.


Nga një ëndërr shumë shpejt në realitet.


Paralelisht me "Konakun", Shqipdona ishte investitore edhe në "Bora Hostel" në Pejë, si dhe në "Wander Balkans".

Meqë Shqipdona ishte shumë e zënë dhe nuk kishte kohë të mjaftueshme për t'i menaxhuar dokumentet, në vitin 2021 ajo kuptoi se emri i saj nuk ishte përmendur si investitore në "Bora Hostel" ose "Wander Balkans", dhe kështu u tërhoq nga këto dy biznese përfundimisht. Investimi i saj i fundit u bë në fund të vitit 2020.

Viti 2021-2022 ishte periudhë e vështirë për Shqipdonën, pasi ajo përballi sfida të mëdha shëndetësore dhe u tradhtua nga dy kompanitë në të cilat kishte investuar për rreth 5 vjet.

Shqipdona u kthye në punën e kriptovalutave dhe shitjeve online, e-commerce, në vitin 2022. Që nga ajo kohë, ajo ka hapur dhe mentoruar dhjetëra biznese online dhe asnjëherë nuk ka lënë dorë nga kriptovalutat.

Gjatë vitit 2023, për herë të parë, ajo mori shumë kërkesa për të ofruar trajnime të saj, dhe kjo është arsyeja pse ajo vendosi të hapë këtë trajnim. Shqipdona ka vite që ka dhënë sinjale në rrjetin social Instagram për kriptovalutat, dhe më pas me disa video të shkurtra në TikTok ka ndarë edhe më shumë historinë e saj.

Për momentin, Shqipdona është në fazën finale të hapjes së një brandi në një nga shtetet më të fuqishme evropiane si bashkëpronare dhe atje ka fokusuar të gjithë energjinë e saj.

Kjo nuk është biografia e plotë e Shqipdonës, por mendoj se kjo jep një ide të mirë për të njohur më mirë vajzën nga e cila do të mësoni. Paqja dhe një ditë e mbarë!